Velkommen – kaffi med bra folk

Konferansen tjuvstartar for digitale følgjarar med sending frå VK- studio. Carina Olset er programleiar, og med seg har ho duoen Mímir & Marsdal som fast inventar gjennom dagen. Du kan vente deg interessante gjestar, skarpe analysar og glimt frå bak scenen, i tillegg til at du kan følgje heile hovudprogrammet frå godstolen.

Verda går mot eit vippepunkt. Vi veit vi er i grenseland for kva jorda toler, og overgangen til berekraftige løysingar går for seint. Det er krig i Europa, det er krig i Midtausten, og propaganda og polarisering splittar folk og nasjonar. Korleis påverkar dette Norge? Korleis påverkar det samarbeidet på Vestlandet?

I denne delen møter du mellom andre Göran Persson, Nicolai Tangen, Kristin Halvorsen, Wenche Eldegard, Henrik Syse og Gerd Kvale. Clover Hogan, Kenneth Cuckier og Wenke Eldgard.

I PREIK møter du Kristin Halvorsen, leiar i Cicero, og Nikolai Tangen, direktør for Oljefondet.

Kunstig intelligens og ny teknologi snur opp ned på liv og arbeid. Samtidig trugar polarisering og desinformasjon vårt viktigaste konkurransefortrinn, som er den høge tilliten vi har til kvarandre. Resignasjon sig inn som ein usynleg fiende. Når falskt liknar ekte, når heltane blir til skurkar og eiga vinning sigrar over plikt, så gir flinke folk opp og dei kompromisslause får makta. Korleis skape motmakt mot tech-gigantane? Kva gjer andre land for å verne om sine demokratiske prosessar?

I denne delen møter du mellom andre Hélène Landemore, David Kirkpatrick, Rajesh Chandran, Laura Ellis, Helge Svela, Eirik Solheim, Janne Stang Dahl, Mímir Kristjánsson og Guri Melby.

Det finst ingen enkle løysingar på problema vi ser i verda. Anten/eller tyranniet gjer at vi mistar både tempo og konkurransekraft. Kva for leiarskap trengs når vi må ut av skyttergravene og finne berekraftige kompromiss, saman?

I denne delen møter du mellom andre Aslak Sverdrup, Ada Jacobsen, Roger Hofseth, Monica Mæland, Terje Kollbotn, Rea Parashar, Marianne Brynjulfsen Overaa, Christian Bjelland, Erik Valen og Henrik Syse.

Det er tid for å hente fram rebellane blant oss, dei som både gjer opprør mot urett, og som samtidig tek ansvar for å finne betre løysingar. Vi rettar lyskastaren mot menneske som mobiliserer, som ikkje let seg lamme av avmakt, og som viser veg mot dei løysingane Vestlandet og verda treng.

I denne delen av konferansen deler vi ut Handlekraftprisen! Dessutan møter du mellom andre Bert- Jan Woertman, Camilla Stoltenberg, Jan Christian Vestre, Dag O. Hessen og Klaus Mohn, Anne Koppang og Fredrik Barth.

Kva for ein bedrift er Vestlandet si mest handlekraftige? Dei nominerte er:

• NAVTOR

• FRAMO

• Brødrene Ulveseth

• Hofseth International

Det var næringsforeningane i Bergen, Ålesund, Stavanger og Vest, som nominerte kandidatane, og folket har stemt frå 15. januar til 1. februar.

Les meir om dei nominerte her.

I PREIK møter du Gøran Persson, tidlegare statsminister i Sverige, og Camilla Stoltenberg, leiar av NORCE.